.الزمالك والدراويش..وشغل الحرافيش

علشان احنا ناس عاطفيين ومجاملين ..الامور بتختلط علينا ..وعلشان بنحب نصدق اللى يسعدنا ويريحنا نفسيا
. طول عمرنا بنردد ان الزمالك والاسماعيلى اخوات وحبايب واولاد عم والهلفطه دى.. والحقيقه مش العكس طبعا
بمعنى اننا مش بالتقارب ده وفى نفس الوقت مش اعداء وكلنا بنحب الدراويش على مستوى اللعب والجماهير..
لكن تعالوا نفهم طبيعه العلاقه بمناسبه الاحداث الجاريه..
مافيش شك ان الاسماعيليه معظمها ومش كلها مش بتحب الاهلى ..(بلاش بتحتقره )او بتكرهه
لكن فى نفس الوقت مش بتموت فى الزمالك ويمكن الزمالكاويه بتحب لعب الاسماعيلى وحتى الاسماعيليه اكثر من
حبهم لينا..
والحقيقه ان العلاقه بين الزمالك والدراويش هى من منطلق . ان عدو ..عدوى صديقى.. ليس الا
فنحن اعداء طبيعيين للاهلى .ونكن له كل احتقار وليس كره.ومش بس الزمالك .لا ده كل من هو ليس اهلاوى
بيحتقر الاهلى ..ومش علشان انه بطل وبياخد بطولات والكلام التافه اللى بيردده التافهين ومنعدمى العقول
لانه لايجيد اللعب النظيف ولانه على عكس مايردده اذياله القذره نادى المبادئ ونادى القيم والصداع التافهه
اللى بيجعل المفردات تختلط علينا ..فنفهم انا السرقه مبادئ..وان الكذب نصاحه واحتراف ومهاره
وده طبعا تم تفسيره لما الخلوق القديس اللى وصف جماهير الدراويش بالكلاب ..دفع لاعب بايده واحرز هدف
خرج علينا اللى قال ده ذكاء ملعب!!!؟؟ طيب هو ذكى ودفع اللاعب والحكم برضه كان اعمى عين والا قلب والا
اهلاوى ومفهومه عن الذكاء كده؟؟ دى امثله بتفسر ليه كل من هو غير اهلاوى بيحتقر الاهلى..
والعلاقه بين الزمالك والدراويش ..هى خساره للزمالك ..فنحن دائما الجانب الذى يحافظ على حسن العلاقه..
ونحن دائما من نحترم مشاعرهم حتى لو على حساب المصلحه ..اما لان الزمالك بيتعامل بمثاليه .لاتجدى فى عصر الفساد
واما لاننا نحاول الحفاظ على علاقه وديه ..
لكن التاريخ بيقول ان الزمالك هو متضرر من تلك العلاقه..وتعالوا نحسبها ..
لما بادلنا عبد الحميد بسيونى وعمرو فهيم .برضا سيكا......ماشى غباء ادارى من الزمالك ..نعديها
ومحمد عبد الواحد ووليد صلاح عبد اللطيف ..ودول مجاناوالزمالك هو من تركهم
كم لاعب من الاسماعيلى انضم للزمالك؟؟؟ وكم لاعب العكس..
اسلام الشاطر ..وكان الزمالك كوبرى ليذهب للاهلى ..كما حدث مع شريف وكما كان سيحدث مع هانى سعيد
وتعالوا نشوف كم لاعب من الاسماعيلى ذهب للاهلى .اما عن طريق محلل خارجى ..وده طبعا بيكون بالتنسيق بين
مجلس اداره الاسماعيلى على اختلاف المتواجدين وبين مجلس اداره الاهلى..
حتى واسالوا الكومى مثلا وقبل ان يرحل اعطى استغناء لسيد معوض ليتيح له الانتقال للاهلى وهو يعرف تماما
كما تعرف جماهير الاسماعيليه انه سيذهب بعدها للاهلى..
واذا كنا بنقول ان الاسماعيليه بتحب الزمالك ..طيب ازاى وكل مجالس اداراتها وحتى كل لاعبيها واعلامييها
سواء علاء وحيد او على ابو جريشه او محمد ابو جريشه اهلاويه .وكل مجالس ادارات الاسماعيلى اهلاويه
وكانهم بينتقوهم وكان الاهلى هو من ينتخبهم ..
واداره الاسماعيلى حره فى ان تستغفل جماهيرها كما تشاء ..وان تبتلع الاهانات من الاهلى كما تشاء
وان تتناسى وصفهم بالكلاب دى حريه شخصيه .ومالناش فيها ..
لكن الغير مسموح ان تستخدم الزمالك كوبرى .بديل لتركيا او الاتحاد السعودى او اى نادى ليحلل الصفقه
وتبقى تلك هى مشكله الزمالك ومشكله اداره الزمالك التى تسمح لهم او لغيرهم بذلك ..
لنكون واضحين ..ونتساءل .. هل افادتنا علاقتنا مع الاسماعيلى ..ام اضرت بنا..
الم نكن مثاليين ومحافظين على تلك العلاقه .فلم نفاوض بركات ولا النحاس ولااحمد فتحى ولا عبد الله ولا معوض
ولا بيبو ..الذى سيفصل بصفته عضو لجنه مسابقات مع مجدى مقشه لو اشتكى الزمالك شريف عبد الفضيل
بالذمه مش دى حاجه تفطس من الضحك ؟؟؟؟بيبو ومقشه وهايف هم من سيفصلون بين الاهلى واى نادى اخر؟؟

لم تعجبنى ابدا تصريحات صبرى سراج بان الزمالك لن يشكو شريف عبد الفضيل ..
وبصراحه اكثر ..انا ابتديت اتخنق من الهرجله فى مجلس الاداره الحالى..لانهم مازالوا كلهم متحدثين رسميين
فاما ان كون لدى مجلس الاداره مايدين اللاعب ويوقفه وتتم معاقبته بشكل مرضى او تصعيد الامر الى الفيفا
محافظه على مكانه نادى الزمالك وهيبته التى ائتمناهم عليها ..
واما ان يكونوا ليس لديهم مستندات كافيه وتلك كارثه اخرى لان ذلك يدل على سذاجه وسطحيه وعدم احترافيه
اداريه ..لانهم اعلنوا عن تعاقدهم مع اللاعب اكثر من مره
وهم اذا لم يتقدموا بشكوى اللاعب فانهم بذلك يغطون على عدم ملكيتهم لشئ ..
وفى الحالتين تصبح سبه فى جبين المجلس ..وتفقده الكثير من الثقه التى اعطيناها لهم .وتتيح الفرصه
للامعه القابعه المتربصه التى تتسلح بالحنجوريه لكى يتصيد فى الماء العكر ولا احد يلومه لو امسكها عليهم

وتبقى فى النهايه كلمه ..لست ضد علاقات الود مع الاسماعيلى ..وكنت ومازلت احب لعب الدراويش ..
ولكن دعونا ننظر للامور من منظور مصلحه الزمالك ..دعوا العلاقات الشخصيه والمثاليه بعيدا عن مسؤوليات
النادى والجماهير ومصلحتهم ..
اليس من الغريب ان يتواجد كل هؤلاء اللاعبون فى الاهلى ونحن مازلنا نقول اسماعيليه بتحب الزمالك
ونهلل ليافطه مكتوبه اسماعيليه مش بتحبك يا اهلى ..طب لو كانت بتحبه كان حصل ايه اكثر من كده!!؟؟
وانا منذ الان .احذر واتنبأ ..بان عمر جمال واحمد خيرى ..وعبد الله السعيد .سيرتدون الزى الاحمر قريبا
وسلملى على العلاقات التاريخيه والجغرافيه ... وناهيا اقرب من كرداسه
ولننتظر ماسيفعله مجلسنا ..بعيدا عن الهائنا بالاعلان عن صفقه ميدو قبل ان تنتهى..والافضل ان نفكر ماذا نفعل ..بدلا من ان نفكر كيف نجعل الجماهير تتناسى وتنشغل عن اخطائنا

وهل سيجيد اصحاب الكرافتات الشيك اللعب مع الحرافيش؟؟